കൊല്‍ക്കത്ത: സഖ്യചര്‍ച്ച പരാജയപ്പെട്ട സാഹചര്യത്തില്‍ പശ്ചിമബംഗാളില്‍ കോണ്‍ഗ്രസ് 42 സീറ്റുകളിലും മത്സരിക്കും. പാര്‍ട്ടി അധ്യക്ഷന്‍ സോമന്‍ മിത്രയാണ് ഇക്കാര്യം അറിയിച്ചത്.

സി.പി.എം നേതൃത്വത്തിലുള്ള ഇടതുപക്ഷവുമായി കഴിഞ്ഞ ശനിയാഴ്ച കോണ്‍ഗ്രസ് ചര്‍ച്ച നടത്തിയിരുന്നു.
അന്തിമ ചര്‍ച്ചയ്ക്ക് മുന്‍പായി മത്സരിക്കാന്‍ സാധ്യതയുള്ള മണ്ഡലങ്ങളുടെ പട്ടികയും പുറത്തുവിട്ടിരുന്നു. പിന്നീട് ചര്‍ച്ച പരാജയപ്പെട്ട സാഹചര്യത്തില്‍ 42 സീറ്റുകളിലും സ്ഥാനാര്‍ഥികളെ നിര്‍ത്താന്‍ തീരുമാനിക്കുകയായിരുന്നു.

സ്ഥാനാര്‍ഥികളുടെ പട്ടിക കോണ്‍ഗ്രസ് നേതൃത്വത്തിന് കൈമാറും. തുടര്‍ന്ന് എ.ഐ.സി.സി സ്ഥാനാര്‍ഥികളെ പ്രഖ്യാപിക്കുമെന്ന് സോമന്‍ മിത്ര അറിയിച്ചു.