ന്യൂഡല്‍ഹി: വികസനം ഉറപ്പ് വരുത്താന്‍ കഴിയാത്തത് കൊണ്ടാണ് മതവും ജാതിയുമെല്ലാം ഉയര്‍ത്തിക്കൊണ്ടുവരേണ്ട ഗതികേട് ചിലര്‍ക്കുണ്ടായതെന്ന് പ്രിയങ്ക ഗാന്ധി.
സര്‍ക്കാരും രാജ്യവും ആരുടെയും കുത്തകയല്ല. ആ രാജ്യവും ഭരണഘടനയും അപകടത്തിലായത് കണ്ടാണ് വര്‍ഷങ്ങള്‍ വീട്ടിലിരുന്ന താന്‍ രാഷ്്ട്രീയത്തിലേക്ക് ഇറങ്ങാന്‍ നിര്‍ബന്ധിതയായതെന്നും അവര്‍ ഗംഗായാത്രക്കിടെ പറഞ്ഞു.

തനിക്ക് വീട്ടില്‍ ഇരുന്നാല്‍ മതിയായിരുന്നു. പക്ഷെ രാജ്യം അപകടത്തിലാണ്. വരാന്‍ പോകുന്ന തെരഞ്ഞെടുപ്പ് നമ്മുടെ കുഞ്ഞുങ്ങളുടെ ഭാവി നിശ്ചയിക്കുന്നതാണ്. ഇക്കാര്യം ശരിയ്ക്കും ചിന്തിക്കണമെന്നും പ്രിയങ്ക കൂട്ടിച്ചേര്‍ത്തു.

അധികാരത്തിലിരിക്കുമ്പോള്‍ കോണ്‍ഗ്രസ് എങ്ങനെയാണ് പ്രവര്‍ത്തിച്ചതെന്ന് നിങ്ങള്‍ കണ്ടതാണ്. എന്നാല്‍ ഇപ്പോഴുള്ള സാഹചര്യം കഴിഞ്ഞ 45 വര്‍ഷമായി രാജ്യത്ത് ഉണ്ടായിരുന്നോ എന്നും പ്രിയങ്ക ചോദിച്ചു.