ടോക്ക്യോ: മുഖാവരണം വൈറസുകളില്‍ നിന്ന് രക്ഷപ്പെടാന്‍ സഹായിക്കുമെങ്കിലും പിഞ്ചു കുഞ്ഞുങ്ങളെ മാസ്‌ക് അണിയിക്കരുതെന്ന നിര്‍ദേശവുമായി വന്നിരിക്കുകയാണ് ജപ്പാനിലെ ഡോക്ടര്‍മാര്‍. രണ്ടു വയസിനു താഴെയുള്ള കുഞ്ഞുങ്ങള്‍ക്ക് മാസ്‌ക് ധരിച്ചാല്‍ ശരിയായി ശ്വസിക്കാന്‍ സാധിക്കില്ലെന്നും ശ്വാസംമുട്ടാന്‍ സാധ്യതയുണ്ടെന്നും ജപ്പാനിലെ പീഡിയാട്രിക് അസോസിയേഷന്‍ മുന്നറിയിപ്പ് നല്‍കുന്നു.
കുഞ്ഞുങ്ങള്‍ക്ക് ശ്വസിക്കാന്‍ നേരിയ പാതയാണുള്ളത്. മാസ്‌കിട്ടാല്‍ അതുവഴി ശ്വസിക്കാന്‍ ബുദ്ധിമുട്ടുകയും ഹൃദയത്തിന് ഭാരമേറ്റുകയും ചെയ്യും.
മാസ്‌ക് അവരില്‍ ഹൃദയാഘാതമുണ്ടാവാന്‍ ഇടയാക്കുമെന്നും ഡോക്ടര്‍മാര്‍ പറയുന്നു.