ന്യൂഡല്‍ഹി: പ്രധാനമന്ത്രി നരേന്ദ്ര മോദിയുടെ ഞാനും കാവല്‍ക്കാരന്‍ ഹാഷ് ടാഗിനെ പരിഹസിച്ച് ബി.എസ്.പി നേതാവ് മായാവതിയും. 2014 ലെ കാവല്‍ക്കാരന്‍ 2019ല്‍ എത്തിയപ്പോഴേക്കും കാവല്‍ക്കാരനായിരിക്കുന്നു. രാജ്യം മാറുന്നുണ്ട് എന്നാണ് മായാവതിയുടെ പരിഹാസം. ട്വിറ്റര്‍ വഴിയാണ് ബി.എസ്.പി നേതാവ് പരിഹാസം അഴിച്ചു വിട്ടത്.

'ബി.ജെ.പിയുടെ ഞാനും കാവല്‍ക്കാരന്‍ ക്യാംപയിന് ശേഷം പ്രധാനമന്ത്രിയും മറ്റു നേതാക്കളും ട്വിറ്ററില്‍ ഇത് ഏറ്റെടുത്തിരിക്കുന്നു. ഇപ്പോള്‍ മോദി കാവല്‍ക്കാരനാണ്. 2014 ലോക്‌സഭാ തെരഞ്ഞെടുപ്പിലെ ചായക്കടക്കാരന്‍ ഇനി ഇല്ല. ബി.ജെ.പി ഭരണത്തിന്‍ കീഴില്‍ രാജ്യത്തിന് എന്തൊരു മാറ്റമാണ്. സബാഷ്'- മായാവതി ട്വിറ്ററില്‍ കുറിച്ചു.

മോദിുടെ കാവല്‍ക്കാരന്‍ ഹാഷ്ടാഗിനെ സോഷ്യല്‍ മീഡിയ പരക്കെ ട്രോളുന്നതിനിടെയാണ് മായാവതിയും രംഗത്തെത്തിയത്.

ചായവിറ്റു നടന്നിടത്തു നിന്നാണ് നരേന്ദ്ര മോദി ഇത്രയും ഉയരത്തിലെത്തിയതെന്ന രീതിയിലായിരുന്നു 2014ലെ ബി.ജെ.പിയുടെ പ്രചാരണം. സാധാരണക്കാരനായ ഒരു നേതാവ് മോദി എന്ന ചിത്രം ജനങ്ങളില്‍ വരുത്തി തീര്‍ക്കാനായിരുന്നു അത്.