കൊച്ചി: നടി ആക്രമിക്കപ്പെട്ട കേസില്‍ ആരോപണ വിധേയനായ നടന്‍ ദിലീപിനെ താരസംഘടനയായ അമ്മ തിരിച്ചെടുത്തതിനെതിരേ പ്രതിഷേധം വ്യാപകം. 

അംഗങ്ങളുമായി വേണ്ടത്ര കൂടിയാലോചന നടത്താതെയാണ് പുറത്താക്കപ്പെട്ട അംഗത്തെ തിരിച്ചെടുത്തതെന്ന വസ്തുത ഞെട്ടിപ്പിക്കുന്നതാണെന്നും കേസില്‍ കുറ്റാരോപിതനായ വ്യക്തിയെ സംഘടനയില്‍ തിരിച്ചെടുക്കാനുള്ള തീരുമാനം ആക്രമണത്തെ അതിജീവിച്ച അംഗത്തിന് പരിപൂര്‍ണ പിന്തുണ നല്‍കുമെന്ന അമ്മയുടെ മുന്‍നിലപാടിന് വിരുദ്ധമാണെന്നും നടിമാരായ പത്മപ്രിയ, രേവതി, പാര്‍വതി എന്നിവര്‍ അമ്മ ജനറല്‍ സെക്രട്ടറി ഇടവേള ബാബുവിന് അയച്ച കത്തില്‍പറഞ്ഞു.
തങ്ങളുടെ സൗകര്യം കൂടി കണക്കിലെടുത്ത് അടുത്തമാസം 13നോ 14നോ പ്രത്യേക യോഗം വിളിക്കണമെന്നും ഇവര്‍ആവശ്യപ്പെട്ടു.