കോഴിക്കോട്: ലോക്‌സഭാ തെരഞ്ഞെടുപ്പില്‍ തന്നെ മതേതരത്വം കാത്തുസൂക്ഷിക്കുന്ന ജനങ്ങള്‍ തനിക്കൊപ്പം നില്‍ക്കും. അതിനാല്‍ തന്നെ ആര്‍.എസ്.എസ്സിന്റെ വോട്ടുകള്‍ കോണ്‍ഗ്രസ്സിന് വേണ്ടെന്ന് വടകരയില്‍ യു.ഡി.എഫ് സ്ഥാര്‍ഥിയായ കെ. മുരളീധരന്‍ പറഞ്ഞു.

വടകരയില്‍ കോ-ലീ-ബി സഖ്യമാണെന്ന സി.പി.എം വാദം പഴകി തുരുമ്പിച്ചതാണ്. പരാജയം മുന്‍കൂട്ടികണ്ടാണ് കോ-ലീ-ബി സഖ്യമെന്ന ആരോപണം സി.പി.എം ഉന്നയിക്കുന്നതെന്ന് കെ. മുരളീധരന്‍ പറഞ്ഞു. വടകരയില്‍ താന്‍ ശക്തമായ ത്രികോണമത്സരമാണ് പ്രതീക്ഷിക്കുന്നതെന്ന് മുരളീധരന്‍.

സി.പി.എം സ്ഥാനാര്‍ഥിയായ പി. ജയരാജനെതിരേ വ്യക്തിപരമായ പരാമര്‍ശങ്ങള്‍ ഉണ്ടാവില്ല. എന്നാല്‍, ആക്രമരാഷ്ട്രീയത്തിനെതിരേ ശക്തമായ പ്രചരണം നടത്തും. അത് ആര്‍ക്കെങ്കിലും നേരെയാണെങ്കില്‍ താന്‍ ഉത്തരവാദിയായിരിക്കില്ലെന്നും മുരളീധരന്‍ പറഞ്ഞു.