ലക്‌നൗ: കൊവിഡ് രോഗികള്‍ക്ക് അടിസ്ഥാന സൗകര്യങ്ങള്‍ പോലും ഒരുക്കുന്നില്ലെന്നാരോപിച്ച് യു.പിയിലെ ആശുപത്രികളില്‍ രോഗികളുടെ പ്രതിഷേധം. പ്രയാഗ്‌രാജിലടക്കം രോഗികള്‍ പ്രതിഷേധിക്കുന്നതിന്റെ ദൃശ്യങ്ങളും പുറത്തുവന്നിട്ടുണ്ട്.
ആശുപത്രിയില്‍ ചികിത്സയിലിരിക്കുന്ന രോഗികള്‍ക്ക് വെള്ളവും ഭക്ഷണവും പോലും കിട്ടുന്നില്ലെന്നാണ് പരാതി ഉയര്‍ന്നിരിക്കുന്നത്. പ്രയാഗ്‌രാജിലെ ആശുപത്രിയില്‍ പ്രതിഷേധിക്കുന്ന രോഗികള്‍, തങ്ങളുടെ അവസ്ഥ മൃഗങ്ങളേക്കാള്‍ കഷ്ടമാണെന്നാണ് വ്യക്തമാക്കുന്നത്.
ഇതിന്റെ വിഡിയോ പ്രചരിക്കുന്നുണ്ട്. ഇതില്‍ ആശുപത്രിയുടെ പേരടക്കം കാണിക്കുന്നുമുണ്ട്.