പെരിന്തല്‍മണ്ണ: മലബാര്‍ ഫുട്‌ബോള്‍ അക്കാദമിക്ക് പെരിന്തല്‍മണ്ണയില്‍ തുടക്കമായി. പെരിന്തല്‍മണ്ണ കേന്ദ്രമായി കുട്ടികളെ ഫുട്‌ബോള്‍ പരിശീലിപ്പിക്കുന്നതിന് മുന്‍ ഇന്ത്യന്‍താരം പ്രേംനാഥിന്റെ നേതൃത്വത്തില്‍ വള്ളുവനാട് സ്‌കൂള്‍ ഗ്രൗണ്ടിലാണ് ക്യാംപ് ആരംഭിച്ചത്. ആറു വയസ് മുതല്‍ 15 വയസ് വരെയുള്ള കുട്ടികള്‍ക്ക് ഗ്രാസ് റൂട്ട്‌ലെവലിലാണ് പരിശീലനം നല്‍കുക. പരിശീലന ക്യാംപിന്റെ ഉദ്ഘാടനം നഗരസഭാ ചെയര്‍മാന്‍ എം മുഹമ്മദ് സലീം നിര്‍വഹിച്ചു. ഫുട്‌ബോള്‍ കിറ്റ് വിതരണം വള്ളുവനാട് സ്‌കൂള്‍ മാനേജര്‍ ദാമോദരന്‍, ബാബു എന്നിവര്‍ ചേര്‍ന്ന് നിര്‍വഹിച്ചു. ചടങ്ങില്‍ പ്രേംനാഥ് ഫിലിപ്പ്, നിഷാദ് അഹമ്മദ്, ഓംപ്രകാശ്, എന്‍.എ കുഞ്ഞാപ്പ, മണ്ണേങ്ങല്‍ അസീസ്, നാസര്‍ കാരാടന്‍ സംസാരിച്ചു. കോച്ചിങ് ക്യാംപില്‍ പങ്കെടുക്കാന്‍ താല്‍പര്യമുള്ളവര്‍ ബന്ധപ്പെടുക. ഫോണ്‍: 9605573748, 9946225220.