കല്ല്യാശ്ശേരി: കല്യാശ്ശേരി അഞ്ചാംപീടിക ചെല്ലട്ടന്‍ ക്ഷേത്രത്തിന്‌സമീപത്ത് താമസിക്കുന്ന നെല്ലിക്കുന്നത്ത് വീട്ടിലെ ഉദയിന് (17) വെട്ടേറ്റു. ഇന്നലെ വൈകുന്നേരം മൂന്ന് മണിയോടെ അഞ്ചാം പീടിക ചിത്രാഗേറ്റിന് സമീപത്ത് ബസിറങ്ങി വീട്ടിലേക്ക് വരുമ്പോഴാണ് വെട്ടേക്കുന്നത്. ബൈക്കിലെത്തിയ രണ്ട് പേര്‍ ചേര്‍ന്നാണ് ആക്രമിച്ചതെന്നാണ് കരുതുന്നു.
കൈക്കും പുറത്തും വെട്ടേറ്റ ഉദയിനെ കണ്ണൂര്‍ കൊയിലി ആശുപത്രിയിലും  പിന്നീട് തലശ്ശേരി ഇന്ദിരാഗാന്ധി ആശുപത്രിയിലും പ്രവേശിപ്പിച്ച് അടിയന്തര ശസ്ത്രക്രിയക്ക് വിധേയമാക്കി. തളിപ്പറമ്പ് മൂത്തേടത്ത് ഹയര്‍ സെക്കന്‍ഡറി സ്‌ക്കൂളിലെ പ്ലസ്ടു വിദ്യാര്‍ഥിയും എ.ബി.വി.പി പ്രവര്‍ത്തകനുമാണ്. സ്‌കൂള്‍ പരിസരത്ത് വച്ച് വിദ്യാര്‍ഥികള്‍ തമ്മിലുണ്ടായ വാക്കേറ്റത്തെ തുടര്‍ന്നുണ്ടായ പ്രശ്‌നങ്ങളാണ് അക്രമത്തിന് കാരണമെന്നു പൊ
ലിസ് പറഞ്ഞു.