റിയാദ് : സഊദി തുറമുഖം വഴി കപ്പലില്‍ ഒളിപ്പിച്ചു കടത്തുകയായിരുന്ന മയക്കുമരുന്ന് പിടികൂടി. രാജ്യത്തിന്റെ പടിഞ്ഞാറന്‍ തുറമുഖമായ റാബിഗിലെ കിങ് അബ്ദുല്ല തുറമുഖം വഴി ഒളിപ്പിച്ചു കടത്തുകയായിരുന്ന 46 കിലോഗ്രാം തൂക്കം വരുന്ന കൊക്കെയ്ന്‍ ആണ് പിടിച്ചെടുത്തതെന്നു സഊദി വാര്‍ത്താ ഏജന്‍സി റിപ്പോര്‍ട്ട് ചെയ്തു.
ശീതീകരിച്ച കോഴിയിറച്ചിയുടെ ഇടയില്‍ ഒളിപ്പിച്ചു കടത്താനുള്ള ശ്രമമാണ് അധികൃതര്‍ തകര്‍ത്തത്. സഊദി തുറമുഖം വഴി മറ്റൊരു രാജ്യത്തേക്ക് പോകാനുള്ളതായിരുന്നു കപ്പല്‍. ഇതിനിടയിലാണ് കണ്ടെയ്‌നറിനുള്ളില്‍ ഒളിപ്പിച്ച നിലയില്‍ മയക്കുമരുന്ന് കണ്ടെത്തിയത്. കഴിഞ്ഞ ഫെബ്രുവരിയിലും സഊദി നാവികസേ 400 കിലോഗ്രാം ഹഷീഷും 100,000 മയക്കു മരുന്നു ഗുളികകളും പിടികൂടിയിരുന്നു.