തിരുവനന്തപുരം: കൊവിഡ് രോഗികളുടെ സമഗ്രവിവരങ്ങള്‍ ഉള്‍പ്പെടുത്തിയുള്ള വാര്‍ത്താസമ്മേളനം റിയാലിറ്റി ഷോ ആണെന്നും ബഡായിയാണെന്നുമുള്ള പ്രതിപക്ഷ ആക്ഷേപങ്ങളോട് പ്രതികരിച്ച് മുഖ്യമന്ത്രി പിണറായി വിജയന്‍.
ഞാന്‍ എന്താണ് പറയുന്നതെന്ന് നിങ്ങളിലൂടെ (മാധ്യമപ്രവര്‍ത്തകരിലൂടെ) നാട് കേള്‍ക്കുന്നുണ്ട്. ഏതു ബഡായിയാണ് ഞാന്‍ പറഞ്ഞത്? സ്വയം പരിഹാസ്യമാവാനായി ഇറങ്ങിപ്പുറപ്പെട്ടാല്‍ എനിക്ക് ഇദ്ദേഹത്തെ (പ്രതിപക്ഷനേതാവിനെ) രക്ഷിക്കാനാവില്ല. പ്രതിപക്ഷനേതാവ് ഉന്നയിക്കുന്ന ചോദ്യം ഒരു സംസ്ഥാനത്തിന്റെ മുഖ്യമന്ത്രിയോടു ചോദിക്കുന്നതില്‍ തെറ്റില്ല. പക്ഷെ നമ്മുടെ ഇദ്ദേഹം ഇങ്ങനെയായിപ്പോയി. അത് നിങ്ങള്‍ (മാധ്യമപ്രവര്‍ത്തകര്‍) മനസിലാക്കണമെന്നും മുഖ്യമന്ത്രി കൂട്ടിച്ചേര്‍ത്തു.