ഉപ്പള: 137 പാക്കറ്റ് മദ്യവുമായി ബായിക്കട്ട സ്വദേശിയെ കുമ്പള എക്‌സൈസ് സംഘം അറസ്റ്റ് ചെയ്തു.ബായിക്കട്ട ശാന്തിനഗര്‍ ബാളിഹിത്ത്‌ലുവിലെ കൃഷ്ണന്‍ (67)ആണ് പിടിയിലായത്. കഴിഞ്ഞ ദിവസം രാവിലെ ബായാര്‍ കളായിയില്‍ വില്‍പനക്കു കൊണ്ടുപോകുന്നതിനിടെയാണ് അറസ്റ്റ്.
12.33 ലിറ്റര്‍ കര്‍ണാടക നിര്‍മിത മദ്യമാണ് ഇയാളുടെ പക്കല്‍ നിന്നു പിടിച്ചതെന്ന് എക്‌സൈസ് സംഘം പറഞ്ഞു. പരിശോധനയ്ക്കു എക്‌സൈസ് അസിസ്റ്റന്റ് ഇന്‍സ്‌പെക്ടര്‍ എം.വി ബാബുരാജ് നേതൃത്വം നല്‍കി.