മുക്കം: മലാംകുന്ന് ശാഖാ എസ്.കെ.എസ്.എസ്.എഫ് കമ്മിറ്റിയുടെ ആഭിമുഖ്യത്തില്‍ എസ്.എസ്.എല്‍.സി പരീക്ഷയില്‍ ഉന്നതവിജയം നേടിയ വിദ്യാര്‍ഥികളെ അനുമോദിച്ചു.
ചടങ്ങ് എസ്.കെ.ജെ.എം മുക്കം റെയ്ഞ്ച് സെക്രട്ടറി അംജദ് ഖാന്‍ റശീദി ഉദ്ഘാടനം ചെയ്തു. ഇസ്ഹാഖ് കാരശ്ശേരി അധ്യക്ഷനായി. മദ്‌റസ അധ്യാപകന്‍ കോയ മുസ്‌ലിയാരെ മഹല്ല് പ്രസിഡന്റ് കുഞ്ഞോക്കു വട്ടപ്പാറ ഉപഹാരം നല്‍കി ആദരിച്ചു. എസ്.കെ.എസ്.എസ്.എഫ് മുക്കം മേഖലാ പ്രസിഡന്റ് എ.കെ അബ്ബാസ് മാസ്റ്റര്‍ കാരാളിപ്പറമ്പ് മുഖ്യപ്രഭാഷണം നടത്തി.
വിജയികള്‍ക്ക് വാര്‍ഡ് മെംബര്‍ പി.പി ശിഹാബുദ്ദീന്‍ അവാര്‍ഡ് വിതരണം ചെയ്തു. അബ്ദുല്‍ അസീസ് ദാരിമി, അബൂബക്കര്‍ കണ്ണാട്ടുകുഴി, സിദ്ദീഖ് മുസ്‌ലിയാര്‍ സംസാരിച്ചു.
വി.കെ മുഹമ്മദ് സാലിം, ഒ.കെ അമര്‍നാസ്, ടി.പി റസല്‍ റഹ്മാന്‍, കെ.കെ സുലൈമാന്‍, മുഹമ്മദ് ഉനൈസ്, കെ.സി മുഹമ്മദ് ഫാസില്‍, കെ.സി ഷാനിസ്, കെ.കെ മുഹമ്മദ് ഫാസില്‍, സഫ്‌വാന്‍ അസിന്‍ നേതൃത്വം നല്‍കി. മഹല്ല് സെക്രട്ടറി പി.സി അബ്ദുറഹ്മാന്‍ സ്വാഗതവും വി.ടി അസീഫ് നന്ദിയും പറഞ്ഞു.