മട്ടന്നൂര്‍: മട്ടന്നൂര്‍ സബ് രജിസ്ട്രാര്‍ ഓഫീസിലെ തകരാറിലായ സര്‍വര്‍ മാറ്റിയില്ലെന്നാരോപിച്ചു മുസ്ലിം ലീഗ് പ്രവര്‍ത്തകര്‍ രജിസ്ട്രാറെ ഉപരോധിച്ചു.
ഇന്നലെ ഉച്ചയ്ക്ക് പന്ത്രണ്ടുമണിയോടെയെത്തിയ പ്രവര്‍ത്തകരാണ് ഉപരോധസമരം നടത്തിയത്.രണ്ടാഴ്ചയായി
ഓഫിസിലെ ഇന്റര്‍നെറ്റ് സംവിധാനം തകരാറിലായതിനാല്‍ ആധാരം തയാറാക്കല്‍, കുടിക്കട സര്‍ട്ടിഫിക്കറ്റ്, ഗഹാന്‍ രജിസ്‌ട്രേഷന്‍ തുടങ്ങിയവ മുടങ്ങിയിരിക്കുകയാണ്.മാര്‍ച്ച് മാസം നിരവധി പേര്‍ സര്‍ട്ടിഫിക്കറ്റുകള്‍ക്കായി സബ് രജിസ്ട്രാര്‍ ഓഫീസിലെത്തുന്നസമയത്താണ് തുടര്‍ച്ചയായി സര്‍വര്‍ തകരാറിലാകുന്നത്. പകരം സംവിധാനമൊരുക്കാന്‍ രജിസ്‌ട്രേഷന്‍ വകുപ്പ് തയാറാകുന്നില്ലെന്നും നേതാക്കള്‍ പറഞ്ഞു.
തകരാറിലായ സര്‍വര്‍ എത്രയും പെട്ടെന്ന് ശരിയാക്കിപ്രശ്‌നത്തിന് കാണുമെന്ന ഉറപ്പിലാണ് ഉപരോധം അവസാനിപ്പിച്ചത്.
നേതാക്കളായ വി.എന്‍ മുഹമ്മദ്, ഷബീര്‍ എടയന്നൂര്‍, സത്താര്‍ ഇടുമ്പ, പി.ആര്‍ ഉബൈദ്, അസ്‌ക്കര്‍ ആമേരി, മര്‍സൂക് മട്ടന്നൂര്‍, ഷഫീഖ് മട്ടന്നൂര്‍, ഷാക്കിര്‍ എടയന്നൂര്‍ നേതൃത്വം നല്‍കി