എടപ്പാള്‍: മന്ത്രി കെ.ടി. ജലീലിനെ ആദരിച്ചു. കുറ്റിപ്പുറം ഗവ.ഹയര്‍സെക്കന്‍ഡറി സ്‌കൂളിലാണ് സ്വീകരണംനല്‍കി ആദരിച്ചത്. മന്ത്രിപദത്തിലെത്തിയ പൂര്‍വവിദ്യാര്‍ഥിക്ക് ആദരമൊരുക്കുന്നതിന്റെ ഭാഗമായാണ് ചടങ്ങ് സംഘടിപ്പിച്ചത്. പി.ടി.എ,എസ്.എം.സി, പൂര്‍വവിദ്യാര്‍ഥികള്‍ എന്നിവര്‍ ചേര്‍ന്നാണ് മന്ത്രിയെ ആദരിച്ചത്. സ്വീകരണസമ്മേളനം ഇന്നസെന്റ് എം.പി. ഉദ്ഘാടനംചെയ്തു. കെ.കെ. ആബിദ് ഹുസൈന്‍ തങ്ങള്‍ എം.എല്‍.എ അധ്യക്ഷനായി.
 മന്ത്രിയെ ഇന്നസെന്റ് പൊന്നാട അണിയിച്ച് ആദരിച്ചു. സ്‌കൂളിന്റെ ഉപഹാരവും അദ്ദേഹം സമ്മാനിച്ചു.കെ.ടി. ജലീലിന്റെ സഹപാഠികളും അദ്ദേഹത്തിന് സ്‌നേഹോപഹാരം നല്‍കി. പി.വി.മോഹനന്‍, സയ്യിദ് ലുഖ്മാന്‍ തങ്ങള്‍, ടി.പി.മുഹമ്മദ്കുട്ടി, സി.കെ.ജയകുമാര്‍, ടി.കെ.മുഹമ്മദ്കുട്ടി, കെ.ടി.സിദ്ദീഖ്, എ.എ. കുഞ്ഞാപ്പുട്ടി, എ.ഹംസ, മുജീബ് കൊളക്കാട് സംസാരിച്ചു. മന്ത്രി കെ.ടി. ജലീല്‍ മറുപടിപ്രസംഗം നടത്തി. പരിപാടിയുടെ ഭാഗമായി സാംസ്‌കാരിക ഘോഷയാത്രയും വിദ്യാര്‍ഥികളുടെ കലാപരിപാടികളും അരങ്ങേറി.