കാസര്‍കോട്: കെ.എസ്.ആര്‍.ടി.സി ബസില്‍ കയറുന്നതിനിടയില്‍ റോഡില്‍ വീണ് പിന്‍ചക്രം കയറി യുവതിയും കൈക്കുഞ്ഞും മരിച്ച സംഭവത്തില്‍ സംസ്ഥാന മനുഷ്യാവകാശ കമ്മിഷന്‍ സ്വമേധയാ കേസെടുത്തു.
ചെമ്മട്ടംവയലിലെ സുന്ദരന്റെ ഭാര്യ രജനി (28), മകന്‍ ഋതുവേദ് (ആറ്) എന്നിവര്‍ മരണപ്പെട്ട സംഭവത്തിലാണ് മനുഷ്യാവകാശ കമ്മിഷന്‍ കേസെടുത്തത്. മാധ്യമവാര്‍ത്തകള്‍ ശ്രദ്ധയില്‍പ്പെട്ടതിനെ തുടര്‍ന്നാണ് നടപടി.
കെ.എസ്.ആര്‍.ടി.സി മാനേജിങ് ഡയറക്ടര്‍, കാസര്‍കോട് ജില്ലാ കലക്ടര്‍, ജില്ലാ പൊലിസ് മേധാവി എന്നിവര്‍ സംഭവത്തെ കുറിച്ച് അന്വേഷണം നടത്തി മൂന്നാഴ്ചയ്ക്കകം വിശദീകരണം സമര്‍പ്പിക്കണമെന്ന് കമ്മിഷന്‍ അംഗം കെ മോഹന്‍കുമാര്‍ ആവശ്യപ്പെട്ടു.