താമരശ്ശേരി: സ്‌കൂള്‍ വിദ്യാര്‍ഥികള്‍ക്ക് കഞ്ചാവ് വിതരണം ചെയ്യുന്നതിനിടെ യുവാവിനെ താമരശ്ശേരി പൊലിസ് അറസ്റ്റ് ചെയ്തു. തലയാട് കല്ലാനോട് ആനിക്കല്‍ ഹരീഷ്(മോളി- 21) ആണ് പിടിയിലായത്.
60 ഗ്രാം കഞ്ചാവ് ഇയാളില്‍ നിന്ന് പൊലിസ് പിടിച്ചെടുത്തു. സ്‌കൂള്‍ വിദ്യാര്‍ഥികള്‍ക്ക് കഞ്ചാവ് വിതരണം ചെയ്യുന്നുണ്ടെന്ന രഹസ്യ വിവരത്തെ തുടര്‍ന്ന് എസ്.ഐ ശറഫുദ്ദീന്റെ നേതൃത്വത്തിലുള്ള സംഘം പുതുപ്പാടി ഗവ. ഹൈസ്‌കൂള്‍ പരിസരത്ത് നിരീക്ഷണം ഏര്‍പ്പെടുത്തുകയും കഞ്ചാവുമായി എത്തിയ പ്രതിയെ അറസ്റ്റ് ചെയ്യുകയുമായിരുന്നു. പത്ത് പൊതികളിലായാണ് കഞ്ചാവ് സൂക്ഷിച്ചത്. പ്രതിയെ താമരശ്ശേരി കോടതിയില്‍ ഹാജരാക്കി റിമാന്‍ഡ് ചെയ്തു.