കോഴിക്കോട്: തെരഞ്ഞെടുപ്പ് ഡ്യൂട്ടിക്കായി ജില്ലയിലെ 13,081 ഉദ്യോഗസ്ഥര്‍ക്കുള്ള ഉത്തരവുകള്‍ ഇന്നുമുതല്‍ വിതരണം ചെയ്യും. ഉദ്യോഗസ്ഥര്‍ സമയബന്ധിതമായി ഉത്തരവുകള്‍ കൈപറ്റണമെന്ന് അഡിഷണല്‍ ജില്ലാ മജിസ്‌ട്രേറ്റ് ഇ.പി മേഴ്‌സി അറിയിച്ചു. ജില്ലയിലെ വിവിധ സര്‍ക്കാര്‍ പൊതുമേഖലാ സ്ഥാപനങ്ങളില്‍ നിന്നായി 24,000 പേരെയാണ് തെരഞ്ഞെടുപ്പ് ഡ്യൂട്ടിക്കു പരിഗണിച്ചിരുന്നത്. ഇതില്‍ കംപ്യൂട്ടറിന്റെ സഹായത്തോടെ ഇ- പോസ്റ്റിങ് സംവിധാനം മുഖേന 13,081 ഉദ്യോഗസ്ഥരെയാണു തിരഞ്ഞെടുത്തത്. ഇവര്‍ക്കുള്ള ഉത്തരവുകളാണ് ആദ്യഘട്ടത്തില്‍ വിതരണം ചെയ്യുന്നത്.
പ്രിസൈഡിങ് ഓഫിസര്‍മാര്‍ക്കും ഫസ്റ്റ് പോളിങ് ഓഫിസര്‍മാര്‍ക്കുമുള്ള പരിശീലനം മാര്‍ച്ച് 30, ഏപ്രില്‍ ഒന്ന്, രണ്ട് തിയതികളില്‍ നടത്തും. പരിശീലനം സംബന്ധിച്ച വിശദവിവരങ്ങളും ഉത്തരവില്‍ ഉണ്ടായിരിക്കും.