ഗൂഡല്ലൂര്‍: കാട്ടുതീ പടര്‍ന്ന് ഗൂഡല്ലൂരിനു സമീപം കോഴിപാലത്ത് ആറ് ഏക്കര്‍ വനഭൂമി കത്തി നശിച്ചു.
കറുക്കപ്പാളി മുണ്ടകൊല്ലി പ്രദേശത്തും കഴിഞ്ഞദിവസം കാട്ടുതീ പടര്‍ന്ന് വനം കത്തി നശിച്ചിരുന്നു. വിവരമറിഞ്ഞ് ഗൂഡല്ലൂര്‍ റെയ്ഞ്ചര്‍ രാമകൃഷണന്റെ നേതൃത്വത്തില്‍ വനപാലകരെത്തിയാണ് തീ നിയന്ത്രണവിധേയമാക്കിയത്.
കാട്ടുതീ പതിവായതോടെ പ്രദേശങ്ങളില്‍ വന്യമൃഗ ശല്യവും രൂക്ഷമായിരിക്കുകയാണ്. ഭക്ഷണവും വെള്ളവും തേടി കാട്ടാന, കാട്ടുപോത്ത്, കരടി തുടങ്ങിയവ വ്യാപകമായി ജനവാസ കേന്ദ്രങ്ങലില്‍ എത്തുന്നത് പ്രദേശങ്ങളില്‍ ജനജീവിതം ദുസഹമാക്കിയിരിക്കുകയാണ്.