പാണക്കാട്: പ്രളയത്തെ തുടര്‍ന്ന് വയനാട്ടില്‍ സമസ്ത ജില്ലാ ഘടകത്തിന്റെ നേതൃത്വത്തില്‍ നിര്‍മിച്ചു നല്‍കുന്ന 100 വീടുകളില്‍ പണിപൂര്‍ത്തിയായ 10 വീടുകളുടെ താക്കോല്‍ ജില്ലാ ഖാസി കൂടിയായ സയ്യിദ് ഹൈദരലി ശിഹാബ് തങ്ങള്‍ സമസ്ത ജില്ലാ നേതാക്കള്‍ക്ക് കൈമാറി.
പാണക്കാട് നടന്ന ചടങ്ങില്‍ സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ അധ്യക്ഷനായി. മാനു തങ്ങള്‍ വെള്ളൂര്‍, വി. മൂസക്കോയ മുസ്‌ലിയാര്‍, കെ.കെ അഹ്മദ് ഹാജി, എസ്. മുഹമ്മദ് ദാരിമി, ഹസന്‍ സഖാഫി പൂക്കോട്ടൂര്‍, ഇബ്‌റാഹിം ഫൈസി തിരൂര്‍ക്കാട്, പി.കെ അബ്ദുല്ലത്തീഫ് ഫൈസി, കാഞ്ഞായി മമ്മൂട്ടി മുസ്‌ലിയാര്‍, എം. ഹസന്‍ മുസ്‌ലിയാര്‍, ഇബ്‌റാഹിം ഫൈസി പേരാല്‍, എം. മുഹമ്മദ് ബശീര്‍, ഹാരിസ് ബാഖവി കമ്പളക്കാട്, കാഞ്ഞായി ഉസ്മാന്‍, ജഅ്ഫര്‍ ഹൈതമി, അബ്ദുറഹ്മാന്‍ ഫൈസി, ശൗഖത്തലി മൗലവി, പനന്തറ മുഹമ്മദ്, സി. കുഞ്ഞബ്ദുല്ല, മൊയ്തീന്‍കുട്ടി യമാനി, മുഹമ്മദ് കുട്ടി ഹസനി, കെ.എ നാസര്‍ മൗലവി, പി. സുബൈര്‍, അബ്ദുറഹ്മാന്‍ ദാരിമി, അബൂബക്കര്‍ റഹ്മാനി, കെ.സി നവാസ്, ബാവ മൗലവി, സി. അബ്ദുല്‍ ഖാദിര്‍, വി. അബ്ബാസ് ഫൈസി സംബന്ധിച്ചു. പിണങ്ങോട് അബൂബക്കര്‍ സ്വാഗതവും കണ്‍വീനര്‍ പി.സി ഇബ്‌റാഹിം ഹാജി നന്ദിയും പറഞ്ഞു. ഏപ്രില്‍ 9ന് കല്‍പ്പറ്റയില്‍ നടക്കുന്ന സമ്മേളനത്തില്‍ മഹല്ല് ഭാരവാഹികള്‍ക്ക് ഈ വീടുകളുടെ താക്കോല്‍ സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ വിതരണം ചെയ്യും. പരിപാടിയില്‍ സമസ്ത നേതാക്കള്‍, സയ്യിദുമാര്‍, ജനപ്രതിനിധികള്‍, മതരാഷ്ട്രീയ സാമൂഹ്യരംഗങ്ങളിലെ പ്രമുഖര്‍ സംബന്ധിക്കും.