റിയാദ്: വന്ദേഭാരത് മിഷന്‍ പദ്ധതിയുടെ മൂന്നാം ഘട്ടത്തില്‍ സഊദിയില്‍നിന്ന് കേരളത്തിലേക്ക് വിമാനങ്ങളില്ല. 15 സര്‍വിസുകളും ഇതരസംസ്ഥാന സംസ്ഥാനങ്ങളിലേക്കാണ്.

 ദമാമില്‍നിന്ന് ആറും ജിദ്ദ, റിയാദ് എന്നിവിടങ്ങളില്‍നിന്ന് മൂന്നുവീതം സര്‍വിസുകളാണ് മൂന്നാം ഘട്ടത്തിലുള്ളത്. 16ന് ആരംഭിക്കുന്ന മൂന്നാംഘട്ട സര്‍വിസ് കൂടുതലും ഇന്‍ഡിഗോ വിമാന കമ്പനിയാണ് നടത്തുന്നത്.

 22 വരെയാണ് മൂന്നാംഘട്ട വിമാന സര്‍വിസുകള്‍ യാത്ര തുടരുക. അതേസമയം, 14നു റിയാദില്‍നിന്ന് കൊച്ചിയിലേക്ക് പുറപ്പെടേണ്ട എ.ഐ 924 വിമാനം 17ലേക്ക് മാറ്റി. 15നു പുറപ്പെടേണ്ട എ.ഐ 1942 ദമാം തിരുവനന്തപുരം വിമാനം 18നു പുറപ്പെടുമെന്നും ഇന്ത്യന്‍ എംബസി അറിയിച്ചു.