ജക്കാര്‍ത്ത: കൊവിഡ് ബാധ സംശയിക്കപ്പെടുന്ന കൂടുതല്‍ കുട്ടികള്‍ മരിക്കുന്നത് ഇന്ത്യോനേഷ്യയെ ആശങ്കയിലാക്കുന്നു. ലോകത്ത് കൊവിഡ് ബാധിച്ച് ഏറ്റവും കൂടുതല്‍ കുട്ടികള്‍ മരിക്കുന്നത് ഇന്തോനേഷ്യയിലാണ്.  ഇത് രാജ്യത്തെ അതിഗുരുതരമായ ആരോഗ്യ സാഹചര്യമാണ് ചൂണ്ടിക്കാണിക്കുന്നതെന്ന് വിദഗ്ധര്‍ പറഞ്ഞു.  പോഷകാഹാരക്കുറവ്, അനീമിയ, മികച്ച ശിശുപരിപാലന സൗകര്യങ്ങളുടെ അപര്യാപ്ത എന്നിവയാണ് കൊവിഡ് ബാധിക്കുന്ന കുട്ടികളുടെ മരണനിരക്ക് കൂടാന്‍ കാരണം.