തുറവൂര്‍: സിവില്‍ സപ്ലൈസ് വകുപ്പിന്റെ മാവേലി സ്റ്റോറില്‍ മോഷണം. ദേശീയ പാതയില്‍ തുറവൂര്‍ കവലയ്ക്ക് പടിഞ്ഞാറെ ഭാഗത്തുള്ള മാവേലി സ്റ്റോറിലാണ് തിങ്കളാഴ്ച രാത്രിയില്‍ മോഷണം നടന്നത്.
പിന്നിലെ വാതില്‍ കുത്തിത്തുറന്ന് അകത്തു കയറിയ മോഷ്ടാക്കള്‍ ലോക്കറില്‍ ബാങ്കില്‍ അടയ്ക്കാന്‍ സൂക്ഷിച്ചിരുന്ന എഴുപതിനായിരം രൂപ അപഹരിച്ചു. മറ്റു സാധനങ്ങളൊന്നും നഷ്ടപ്പെട്ടിട്ടില്ല. കുത്തിയതോട് പോലിസ് സ്ഥലത്തെത്തി പരിശോധന നടത്തി. കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു.