മാവൂര്‍: ആധുനിക സൗകര്യങ്ങളോടെ പെരുവയല്‍ ക്ഷീരോല്‍പാദക സഹകരണ സംഘം പുവ്വാട്ടുപറമ്പില്‍ നിര്‍മിച്ച കെട്ടിടത്തിന്റെ ഉദ്ഘാടനം കെ.മുരളീധരന്‍ എം.എല്‍.എ നിര്‍വഹിച്ചു.
അഡ്വ.പി.ടി.എ.റഹീം എം.എല്‍.എ അധ്യക്ഷനായി. മുന്‍ ഭരണസമിതി അംഗങ്ങളെ എം.കെ.രാഘവന്‍ എം.പി ആദരിച്ചു.
സാറ്റ്‌ലൈറ്റ് ഡയറി-ബ്ലോക്ക് മില്‍ക്ക് ഇന്‍സന്റീവ് പദ്ധതി കുന്ദമംഗലം ബ്ലോക്ക് പഞ്ചായത്ത് പ്രസിഡന്റ് രമ്യ ഹരിദാസും ഹൈജിനിക് മില്‍ക്ക് കലക്ഷന്‍ റൂം പെരുവയല്‍ ഗ്രാമപഞ്ചായത്ത് പ്രസിഡന്റ് വൈ.വി.ശാന്തയും മില്‍ക്ക് ഇന്‍സെന്റീവ് പദ്ധതി ഉദ്ഘാടനം ഗ്രാമപഞ്ചായത്ത് വൈസ് പ്രസിഡന്റ് കുന്നുമ്മല്‍ ജുമൈലയും ഫാര്‍മേഴ്‌സ് സ്‌പെസിലിറ്റീസ്-കം- ഇന്‍ഫര്‍മേഷന്‍ സെന്റര്‍ഹാള്‍ ഉദ്ഘാടനം സംഘം പ്രസിഡന്റ് സുരേന്ദ്രന്‍ കുറ്റിക്കാട്ടൂരും നിര്‍വഹിച്ചു.
കൂടുതല്‍ പാല്‍ അളന്ന കര്‍ഷകര്‍ക്കുള്ള സമ്മാനദാനം ഡയരി ഡിപ്പാര്‍ട്ട്‌മെന്റ് ഡപ്യൂട്ടി ഡയരക്ടര്‍ എം.ശോഭന നിര്‍വഹിച്ചു.
ബ്ലോക്ക് മെമ്പര്‍മാരായ രവികുമാര്‍ പനോളി, സുഷമ, രാജീവ് പെരുമണ്‍പുറ, ഗ്രാമപഞ്ചായത്ത് അംഗങ്ങളായ സഫിയ മാക്കിനിയാട്ട്, സുബിത തോട്ടാഞ്ചേരി, പി.കെ.ഷറഫുദ്ദീന്‍, ടി.എം.ചന്ദ്രശേഖരന്‍, എന്‍.കെ.മുനീര്‍, മിനി ശ്രീകുമാര്‍, പെരുവയല്‍ ക്ഷീരോല്‍പാദക സഹകരണ സംഘം സ്ഥാപക പ്രസിഡന്റ് പി.വേലായുധന്‍ നായര്‍, ടി.പി.ശ്രീധരന്‍, എം.എന്‍.ഭാസ്‌ക്കരന്‍, എം.സി.സൈനുദ്ദീന്‍, ചന്ദ്രന്‍, പി.വേലായുധന്‍ നായര്‍, സുബ്രഹ്മണ്യന്‍, സനല്‍കുമാര്‍, സി.മാധവദാസ്, സി.എം.സദാശിവന്‍, കൃഷ്ണന്‍കുട്ടി, ബബിത, ഇ.വിശ്വനാഥന്‍, ബി.കെ.കുഞ്ഞഹമ്മദ്, രാമന്‍കുട്ടി, സജീവന്‍, കെ.പി.അബ്ദുറഹിമാന്‍ പ്രസംഗിച്ചു.