കണ്ണൂര്‍: പയ്യാവൂരില്‍ പുഴയില്‍ കാണാതായ മൂന്ന് യുവാക്കളുടെ മൃതദേഹങ്ങള്‍ കണ്ടെത്തി. മനീഷ്, സനൂപ്, അരുണ്‍ എന്നിവരുടെ മൃതദേഹങ്ങളാണ് കണ്ടെത്തിയത്. വഞ്ചിയം സ്വദേശി സനൂപിനെ രക്ഷിക്കാന്‍ ശ്രമിക്കുന്നതിനിടെയാണ് പൈസക്കരി സ്വദേശി അരുണ്‍, ബ്ലാത്തൂര്‍ സ്വദേശി മനീഷ് എന്നിവര്‍ ഒഴുക്കില്‍പ്പെട്ടത്. വെള്ളത്തിലിറങ്ങാത്ത അജിത്ത് മാത്രം രക്ഷപ്പെട്ടു.ഇന്നലെ വൈകീട്ടോടെയായിരുന്നു നാല് യുവാക്കള്‍ കൂട്ടുപുഴയില്‍ കുളിക്കാനെത്തിയത്.

അപകടം നടന്ന സ്ഥലത്തിന് 100 മീറ്റര്‍ അകലെ നിന്നാണ് ഇന്ന് രാവിലെ ഏഴുമണിയോടെ ബ്ലാത്തൂര്‍ സ്വദേശി മനീഷിന്റെ മൃതദേഹം കണ്ടെടുത്തത്.
വൈകിട്ടോടെയാണ് മറ്റ് രണ്ടുപേരുടെയും മൃതദേഹങ്ങള്‍ കണ്ടെടുത്തു. മൂന്ന് മൃതദേഹങ്ങള്‍ പരിയാരം മെഡിക്കല്‍ കോളേജിലേക്ക് മാറ്റി.