മറ്റത്തൂര്‍: ചെമ്പുച്ചിറ ഗവ. ഹയര്‍ സെക്കന്‍ഡറി സ്‌കൂളിലെ കുട്ടികള്‍ സമഗ്ര ജൈവകൃഷി നടത്തുന്നതിന്റെ വിത്ത് വിതക്കല്‍ ഉദ്ഘാടനം ജില്ലാ പഞ്ചായത്ത് സ്ഥിരം സമിതി അധ്യക്ഷന്‍ കെ.ജെ ഡിക്‌സണ്‍ നിര്‍വഹിച്ചു.
ജില്ലാ പഞ്ചായത്ത് അംഗം ജയന്തി സുരേന്ദ്രന്‍ അധ്യക്ഷനായി.
മുതിര്‍ന്ന കര്‍ഷകന്‍ അച്യുതന്‍ പുതുക്കാടി മുഖ്യാതിഥിയായിരുന്നു.
കൊടകര ബ്ലോക്ക് പഞ്ചായത്ത് സ്ഥിരം സമിതി അധ്യക്ഷ ആശ ഉണ്ണികൃഷ്ണന്‍, മറ്റത്തൂര്‍ ഗ്രാമ പഞ്ചായത്ത് സ്ഥിരം സമിതി അധ്യക്ഷന്‍ പി.എസ് പ്രശാന്ത്, പഞ്ചായത്ത് അംഗങ്ങളായ സുബിത വിനോദ്കുമാര്‍, ശ്രീധരന്‍ കളരിക്കല്‍, എസ്.എം.സി അധ്യക്ഷന്‍ കെ.കെ സുരേഷ്, പ്രിന്‍സിപ്പല്‍ ടി.വി ഗോപി, പ്രധാനാധ്യാപിക പി.പി ടെസി സംസാരിച്ചു.