പുനലൂര്‍: അര്‍ബന്‍ കോ-ഓപ്പറേറ്റീവ് സഹകരണ സംഘത്തിന്റെ ആറാം വാര്‍ഷികവും മെറിറ്റ് ഈവനിങ്ങും വനംമന്ത്രി കെ. രാജു ഉദ്ഘാടനം ചെയ്തു. മുന്‍ ഡി.ജി.പി ഡോ. അലക്‌സാണ്ടര്‍ ജേക്കബ് മെറിറ്റ് അവാര്‍ഡു വിതരണം ചെയ്തു.
ചടങ്ങില്‍ സിവില്‍ സര്‍വിസ് ജേതാവ് സുശ്രീക്ക് പ്രതിഭാ പുരസ്‌കാരം നല്‍കി. ഭാരതീപുരം ശശി അധ്യക്ഷനായി. നെല്‍സണ്‍ സെബാസ്ത്യന്‍, സെക്രട്ടറി രോഷ്‌നി, പി.സി കുര്യാക്കോസ്, കശുവണ്ടി വികസന കോര്‍പ്പറേഷന്‍ ചെയര്‍മാന്‍ എസ്. ജയമോഹന്‍, നഗരസഭാ ചെയര്‍മാന്‍ എം.എ രാജഗോപാല്‍, മുന്‍ എം.എല്‍.എ പുനലൂര്‍ മധു സംസാരിച്ചു.