ബംഗളൂരു: സീസണിലെ ആദ്യ ജയം ലക്ഷ്യമിട്ട് ഇറങ്ങിയ മുംബൈക്ക് ആറ് റണ്‍സ് ജയം. ലക്ഷ്യം പിന്തുടര്‍ന്ന ബാംഗ്ലൂരിന് എട്ട് വിക്കറ്റ് നഷ്ടത്തില്‍ 187 റണ്‍സെടുക്കാനേ കഴിഞ്ഞുള്ളു. ടോസിനു ശേഷം ആര്‍.സി.ബി നായകന്‍ വിരാട് കോഹ്‌ലി മുംബൈയെ ബാറ്റിങിന് അയക്കുകയായിരുന്നു. എട്ടു വിക്കറ്റിന് 187 റണ്‍സാണ് മുംബൈ നേടിയത്.

48 റണ്‍സെടുത്ത ക്യാപ്റ്റന്‍ രോഹിത് ശര്‍മയാണ് മുംബൈയുടെ ടോപ്‌സ്‌കോറര്‍. 33 പന്തുകള്‍ നേരിട്ട രോഹിത്തിന്റെ ഇന്നിങ്‌സ് എട്ടു ബൗണ്ട@റികളും ഒരു സിക്‌സും ഉള്‍പ്പെട്ടതായിരുന്നു. സൂര്യകുമാര്‍ യാദവ് (38), യുവരാജ് സിങ് (23), ക്വിന്റണ്‍ ഡികോക്ക് (23) എന്നിവരാണ് മുംബൈയുടെ മറ്റു സ്‌കോറര്‍മാര്‍. 14 പന്തില്‍ മൂന്നു സിക്‌സറും രണ്ട@ു ബൗ@ണ്ടറിയുമടക്കം പുറത്താവാതെ 32 റണ്‍സെടുത്ത ഹര്‍ദിക് പാണ്ഡ്യയുടെ വെടിക്കെട്ട് ഇന്നിങ്‌സാണ് സ്‌കോര്‍ 188ലെത്തിച്ചത്. നാലോവറില്‍ 38 റണ്‍സ് വഴങ്ങി നാലു വിക്കറ്റെടുത്ത യുസ്‌വേന്ദ്ര ചഹലാണ് ആര്‍.സി.ബി ബൗളര്‍മാരില്‍ തിളങ്ങിയത്. ഉമേഷ് യാദവും മുഹമ്മദ് സിറാജും ര@ണ്ടു വിക്കറ്റ് വീതം സ്വന്തമാക്കി.

മികച്ച തുടക്കമാണ് ഓപ്പണര്‍മാരായ രോഹിതും ഡികോക്കും മുംബൈക്കു നല്‍കിയത്. ആദ്യ വിക്കറ്റില്‍ അര്‍ധസെഞ്ചുറി കൂട്ടുകെട്ടുണ്ട@ാക്കാന്‍ ജോടിക്കു സാധിച്ചു. മികച്ച സ്‌കോറിലേക്കു മുന്നേറിയ മുംബൈക്കു കടിഞ്ഞാണിട്ടത് സ്പിന്നര്‍ യുസ്‌വേന്ദ്ര ചഹലാണ്. റിവേഴ്‌സ് സ്വീപ്പ് ഷോട്ടിനു ശ്രമിച്ച ഡികോക്ക് ചഹലിന്റെ ബൗളിങില്‍ ക്ലീന്‍ ബൗള്‍ഡാവുകയായിരുന്നു. 20 പന്തില്‍ രണ്ട@ു ബൗ@ണ്ടറികളും ഒരു സിക്‌സറുമടക്കം 23 റണ്‍സാണ് താരം നേടിയത്.
ക്യാപ്റ്റന്‍ രോഹിത്തിന് അര്‍ഹിച്ച അര്‍ധ സെഞ്ചുറി രണ്ട@ു റണ്‍സ് മാത്രം അകലെയാണ് നഷ്ടമായത്. ഉമേഷ് യാദവാണ് മുംബൈ സ്‌കോര്‍ 87ല്‍ നില്‍ക്കെ ഹിറ്റ്മാനെ മടക്കുന്നത്. വമ്പന്‍ ഷോട്ടിനു ശ്രമിച്ച രോഹിത്തിനെ മുഹമ്മദ് സിറാജ് ക്യാച്ചിലൂടെയാണ് പുറത്താക്കിയത്.

ആദ്യ മത്സരത്തില്‍ മികച്ച പ്രകടനം നടത്തിയ സൂപ്പര്‍ താരം യുവരാജ് സിങ് ഈ മത്സരത്തിലും മികച്ച രീതിയിലാണ് തുടങ്ങിയത്. ചഹലിനെതിരേ തുടര്‍ച്ചയായ മൂന്നു പന്തുകളില്‍ സിക്‌സര്‍ പറത്തിയ യുവി സ്‌റ്റേഡിയത്തെ ഇളക്കി മറിച്ചു. 12 പന്തില്‍ മൂന്നു സിക്‌സറുകളോടെ 23 റണ്‍സെടുത്ത യുവിയെ സിറാജ് ക്യാച്ച് ചെയ്ത് പുറത്താക്കി.