കൊയിലാണ്ടി: ഭിന്നശേഷി വിദ്യാര്‍ഥിയെ സ്‌കൂളിലെ പ്രധാനാധ്യാപകന്‍ മര്‍ദിച്ചതായി പരാതി.
മൊടക്കല്ലൂര്‍ എ.യു.പി സ്‌കൂളിലെ ഏഴാം ക്ലാസ് വിദ്യാര്‍ഥിയായ അമല്‍ കൃഷ്ണയ്ക്കാണ് (11) മര്‍ദനമേറ്റത്. കുട്ടിയെ കൊയിലാണ്ടി താലൂക്ക് ആശുപത്രിയില്‍ പ്രവേശിപ്പിച്ചു.
കഴിഞ്ഞ ദിവസം സ്‌കൂളില്‍വച്ച് വിദ്യാര്‍ഥികള്‍ തമ്മിലുണ്ടായ അടിപിടിക്കിടെ പ്രതിരോധിക്കാന്‍ ശ്രമിച്ച അമല്‍ കൃഷ്ണയുടെ കൈ തട്ടി മറ്റൊരു കുട്ടിയുടെ മുഖത്ത് മുറിവേറ്റിരുന്നു. ഈ സംഭവമാണ് അധ്യാപകനെ പ്രകോപിതനാക്കിയത്.
തുടര്‍ന്ന് പ്രധാനാധ്യാപകന്‍ കുട്ടിയെ ഓഫിസ് മുറിയിലേക്കു കൊണ്ടുപോയി കഴുത്തിന് പിടിക്കുകയും ക്രൂരമായി മര്‍ദിക്കുകയുമായിരുന്നുവെന്ന് രക്ഷിതാക്കള്‍ പറഞ്ഞു. ഇതിന് മുന്‍പും അധ്യാപകന്‍ കുട്ടിയെ മര്‍ദിച്ചിരുന്നുവെന്ന് രക്ഷിതാക്കള്‍ ആരോപിച്ചു. പുത്തന്‍ചേരി ആശാരി കണ്ടി മീത്തല്‍ സുനീതന്‍-പ്രിയ ദമ്പതികളുടെ മകനാണ് അമല്‍ കൃഷ്ണ.