കൊല്ലം: ഉദ്ഘാടനം നടത്തി സര്‍വിസ് ആരംഭിച്ച പാലരുവി എക്‌സ്പ്രസില്‍ സ്ഥലത്തെ ഉദ്ഘാടകരായ എം.പിമാരെ കയറ്റാതെ ട്രെയിന്‍ യാത്ര തുടങ്ങിയതോടെ ട്രെയിന്‍ യു.ഡി.എഫ് പ്രവര്‍ത്തകര്‍ തടഞ്ഞു. പുനലൂരില്‍ നിന്നും എറണാകുളം വരെയായിരുന്നു കന്നിയാത്ര നടത്തിയത്. എം.പിമാരെ കയറ്റാത്തതില്‍ പ്രതിഷേധിച്ച് യു.ഡി.എഫ് പ്രവര്‍ത്തകര്‍ ആവണിശ്വരം റയില്‍വേ സ്റ്റേഷനില്‍ ട്രെയിന്‍ തടഞ്ഞിടുകയായിരുന്നു.
പിന്നീട് കാര്‍ മാര്‍ഗം ആവണീശ്വരത്തെത്തിയാണ് എം.പിമാര്‍ ട്രെയിനില്‍ കയറിയത്. ശേഷം നടത്തിയ യാത്രയില്‍ വ്യത്യസ്ത സ്റ്റോപ്പുകളിലായി പാലരുവിക്ക് വന്‍ വരവേല്‍പ്പ് ലഭിച്ചു.