മാണിയൂര്‍: മാണിയൂര്‍ പാറാല്‍ ശംസുല്‍ ഉലമ മെമ്മോറിയല്‍ ബുസ്താനുല്‍ ഉലൂം അറബിക് കോളജിലെ പതിനെട്ടാം ബാച്ചിന്റെ പഠനാരംഭം ഇന്ന് നടക്കും. രാവിലെ ഒന്‍പതുമണിക്ക് ബുസ്താന്‍ ക്യംപസിലാണ് പരിപാടി. ബുസ്താനുല്‍ ഉലൂം ജനറല്‍ സെക്രട്ടറി സി.കെ.കെ മാണിയൂര്‍ അധ്യക്ഷനാകും. സമസ്ത കേരള ജംഇയ്യത്തുല്‍ ഉലമ കേന്ദ്ര മുശാവറാംഗം മാണിയൂര്‍ അഹ്മദ് മുസ്‌ലിയാര്‍ വിദ്യാര്‍ഥികള്‍ക്ക് ആദ്യപാഠം ചൊല്ലിക്കൊടുക്കും. ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റി പി.ജി ഡീന്‍ കെ.സി മുഹമ്മദ് ബാഖവി മുഖ്യപ്രഭാഷണം നടത്തും. യൂസുഫലി ഹാജി സബാഹ് പ്രോജക്ട് ലോഞ്ച് ചെയ്യും. ഖലീലുറഹ്മാന്‍ കാശിഫി അല്‍ ബുര്‍ഹാന്‍ പഠന കിറ്റ് വിതരണോദ്ഘാടനം നടത്തും. മാണിയൂര്‍ അബ്ദുറഹ്മാന്‍ ഫൈസി, ജംശീദ് ബാഖവി ഹൈതമി,ഇബ്രാഹിം എടവച്ചാല്‍ സംസാരിക്കും.