മലപ്പുറം: സുപ്രിംകോടതി വിധിയുടെ അടിസ്ഥാനത്തില്‍ പൂട്ടിയ ബിവറേജ് ഔട്ട്‌ലെറ്റുകള്‍ക്ക് പകരം മറ്റൊരിടത്ത് തുടങ്ങാനുള്ള നീക്കം സുപ്രിംകോടതി വിധിക്കെതിരാണ്.
ഈ നീക്കത്തില്‍ നിന്ന് സര്‍ക്കാര്‍ പിന്മാറാത്ത പക്ഷം ബഹുജന സമരത്തിന് നേതൃത്വം നല്‍കുമെന്ന് മദ്യനിരോധന സമിതി ജില്ലാ കമ്മിറ്റി യോഗം തീരുമാനമെടുത്തു. യോഗത്തില്‍ ജില്ലാ പ്രസിഡന്റ് പി.കെ നാരായണന്‍ മാസ്റ്റര്‍ അധ്യക്ഷനായി. മലപ്പുറം ഡി.സി.സി സെക്രട്ടറി പി.എ മജീദ് ഉദ്ഘാടനം ചെയ്തു. ജില്ലാ സെക്രട്ടറി പി.കോയക്കുട്ടി പ്രവര്‍ത്തന റിപ്പോര്‍ട്ട് അവതരിപ്പിച്ചു.