ചേന്നാട്: രക്ഷാഭവന്‍ ഭാഗത്തെ ബസ് കാത്തിരിപ്പു കേന്ദ്രം കേന്ദ്രീകരിച്ച് സാമൂഹിക വിരുദ്ധ ശല്യം രൂക്ഷമായി. ബസ് കാത്തിരിപ്പു കേന്ദ്രത്തില്‍ രാത്രിയെന്നോ പകലെന്നോ വ്യത്യാസമില്ലാതെ സംഘം ചേരുന്ന ഇവര്‍ വഴി യാത്രക്കാരെ അസഭ്യം പറയുന്നതും പതിവാണ്. തിങ്കളാഴ്ച പകല്‍ സമയത്ത് ഇവിടെയുള്ള ട്രാന്‍സ്‌ഫോമറില്‍ നിന്നും നാല് ഫ്യൂസ് കാരിയറുകള്‍ എടുത്തുകൊണ്ടുപോയി. വൈദ്യുതി മുടങ്ങിയപ്പോള്‍ ജീവനക്കാര്‍ എത്തി പരിശോധിച്ചപ്പോഴാണ് ഫ്യൂസ് കാരിയറുകള്‍ നഷ്ടമായ വിവരം അറിയുന്നത്.