കൊടുവള്ളി: മതാധ്യാപന രംഗത്ത് 40 വര്‍ഷം പൂര്‍ത്തിയാക്കിയ എ.കെ യൂസുഫ് മുസ്‌ലിയാരെ പൂര്‍വ വിദ്യാര്‍ഥി സംഘടന എം.എ.യു വിന്റെ ആഭിമുഖ്യത്തില്‍ ആദരിച്ചു. പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്തു. സമസ്ത കൊടുവള്ളി മണ്ഡലം പ്രസിഡന്റ് എന്‍. അബ്ദുള്ള മുസ്‌ലിയാര്‍ അധ്യക്ഷനായി. യൂസുഫ് മുസ്‌ല്യാര്‍ രചിച്ച അല്‍ ഖളായല്‍ ഹാദിസിയ എന്ന പുസ്തകം ഇ.ടി അബൂബക്കര്‍ കുഞ്ഞി ഹാജി ഏറ്റുവാങ്ങി. കാരാട്ട് റസാഖ് എം.എല്‍.എ, കെ.കെ അഹമ്മദ് കുട്ടി ഹാജി, സയ്യിദ് സി.എം.കെ തങ്ങള്‍ പാലക്കുറ്റി, അലവിക്കോയ തങ്ങള്‍ അല്‍ ബുഹാരി, ഉമ്മര്‍ മാസ്റ്റര്‍, എ.പി മജീദ് മാസ്റ്റര്‍, എ.പി.എം ബാവ ജീറാനി, ഇബ്രാഹിം ബാഖവി, ടി.പി.സി ഫൈസി, പി.ടി മുഹമ്മദ് ദാരിമി, ഇര്‍ശാദ് വാഫി സംസാരിച്ചു.