കൊച്ചി: ഡി.പി വേള്‍ഡ് നടത്തിവരുന്ന അന്താരാഷ്ട്ര കണ്ടെയ്‌നര്‍ ട്രാന്‍സ്ഷിപ്പ്‌മെന്റ് ടെര്‍മിനല്‍ 2016 ന്റെ ആദ്യ ആറ് മാസങ്ങളില്‍ 29 ശതമാനം വളര്‍ച്ച കൈവരിച്ചു.
ജനുവരി മുതല്‍ ജൂണ്‍ വരെയുള്ള കാലയളവില്‍ 350ല്‍ അധികം കപ്പലുകളിലെ രണ്ട് ലക്ഷത്തിലധികം ടി.ഇ.യു കണ്ടെയ്‌നറുകള്‍ കൈകാര്യം ചെയ്തു. ഗാന്‍ട്രി ക്രെയ്ന്‍ മൂവുകള്‍ മണിക്കൂറില്‍ മുപ്പതില്‍ അധികമായിരുന്നു. ടെര്‍മിനല്‍ സേവനങ്ങള്‍ മെയിന്‍ ലൈന്‍ കപ്പലുകളും ഫീഡര്‍ സര്‍വ്വീസുകളും കൂടുതലായി ഉപയോഗിച്ചു.
ഫാര്‍ ഈസ്റ്റ്, മിഡില്‍ ഈസ്റ്റ്, യൂറോപ്പ് സര്‍വ്വീസുകള്‍ വളരെ നല്ല പ്രകടനമാണ് കാഴ്ച്ചവെച്ചത്. സോഡിയാക് എന്ന ഇന്റലിജന്റ് ടെര്‍മിനല്‍ ഓപ്പറേറ്റിംഗ് സിസ്റ്റത്തിന് തുടക്കം കുറിച്ചിട്ടുണ്ട്.