കൊച്ചി: തന്റെ കാഴ്ചപ്പാടുകളും നിലപാടുകളുമാണ് വോട്ടര്‍മാരുടെ മുന്നില്‍ അവതരിപ്പിക്കുന്നതെന്നും എതിരാളി ആരാണെന്നുള്ളത് തന്നെ ബാധിക്കുന്ന പ്രശ്‌നമല്ലെന്നും എറണാകുളത്തെ എല്‍.ഡി.എഫ് സ്ഥാനാര്‍ഥി പി. രാജീവ്. എറണാകുളം പ്രസ്‌ക്ലബ് സംഘടിപ്പിച്ച 'വോട്ടും വാക്കും' പരിപാടിയില്‍ സംസാരിക്കുകയായിരുന്നു അദ്ദേഹം. എല്‍.ഡി.എഫ് സര്‍ക്കാര്‍ മതനിരപേക്ഷ സര്‍ക്കാരാണ്.
കഴിഞ്ഞ അഞ്ചുവര്‍ഷത്തിനിടെ ജുഡിഷ്യറി, വിദ്യാഭ്യാസ സ്ഥാപനങ്ങള്‍ എന്നിവ വര്‍ഗീയവല്‍ക്കരിച്ച ഭരണമാണ് എന്‍.ഡി.എ കാഴ്ചവെച്ചത്. തീരദേശം, പരമ്പരാഗത വ്യവസായങ്ങള്‍ തുടങ്ങിയ മേഖലകളുടെ പ്രശ്‌നങ്ങള്‍ പരിഹരിക്കുമെന്നും അദ്ദേഹം പറഞ്ഞു.