തിരുന്നാവായ: ഭാരതപ്പുഴയുടെ തീരങ്ങളില്‍ അസ്റ്റിന്റ് കലക്ടര്‍ വിഗന്‍സ് ഭരത്വാജിന്റെ നേതൃത്വത്തിലുള്ള റവന്യൂ സംഘം നടത്തിയ വേട്ടയില്‍ വന്‍ മണല്‍ ശേഖം പിടികൂടി.
ചമ്രവട്ടം, തൃപ്രങ്ങോട് പഞ്ചായത്തിലെ പള്ളിക്കടവ്, നദിനഗര്‍, മൂച്ചിക്കല്‍ റോഡ്, കനാല്‍ റോഡ്, ചെകുത്താന്‍ കുണ്ട് എന്നിവിടങ്ങളില്‍ നിന്നാണ് അനധികൃതമായി സൂക്ഷിച്ചിരുന്ന നൂറ് കണക്കിന് മണല്‍ ലോഡുകള്‍ പിടികൂടിയത്. പിടിച്ചെടുത്ത മണല്‍ ശേഖരം മണല്‍ തിരൂര്‍ സിവില്‍ സ്റ്റേഷനിലേക്ക് മാറ്റി. ബാക്കിയുള്ള മണല്‍ ലോഡുകള്‍ പുഴയിലേക്ക് തിരിച്ചു തള്ളി. ഇന്നലെ രാവിലെ മുതല്‍ ചമ്രവട്ടം പള്ളിക്കടവില്‍ നിന്നും ആരംഭിച്ച മണല്‍ വേട്ട രാത്രി വരെ തുടര്‍ന്നു.
എല്‍.ആര്‍ തഹസില്‍ദാര്‍ പി.രാജേന്ദ്രന്‍ പിള്ള, ഹെഡ് ക്വാര്‍ട്ടേഴ്‌സ് തഹസില്‍ദാര്‍ പി. ഉണ്ണി, ശിവ പ്രസാദ്, റവന്യൂ ഇന്‍സ്‌പെക്ടര്‍ അസീസ് അലി അക്ബര്‍ ,തൃപ്രങ്ങോട് സ്‌പെഷ്യല്‍ വില്ലേജ് ഓഫിസര്‍ രാഖിന്‍കുമാര്‍ എന്നിവര്‍ സംഘത്തിലുണ്ടായിരുന്നു.