കരുളായി: വിദ്യാര്‍ഥിനിയെ ചെരിപ്പു കൊണ്ട@ടിച്ചു പരുക്കേല്‍പ്പിച്ച കേസില്‍ സ്‌കൂള്‍ ബസ് ക്ലീനര്‍ അറസ്റ്റില്‍. കുട്ടിയുടെ പരാതിയില്‍ പൂക്കോട്ടുംപാടം കവളമുക്കട്ട കിഴക്കന്‍വീട് സനൂപി(19)ന്റെ പേരിലാണ് പൂക്കോട്ടുംപാടം പൊലിസ് കേസെടുത്തത്.
കരുളായിലെ സ്വകാര്യ ഇംഗ്ലീഷ് മീഡിയം സ്‌കൂളില്‍ പഠിക്കുന്ന 12 വയസുകാരിയെയാണ് സ്‌കൂളിലേക്ക് പോകുന്ന സമയം ബസിലെ ക്ലീനര്‍ ചെരുപ്പ് കൊ@ണ്ട് അടിച്ചു പരുക്കേല്‍പ്പിച്ചത്. മുഖത്ത് അടിയേറ്റ വിദ്യാര്‍ഥിക്ക് ക്ഷീണം അനുഭവപ്പെട്ടതിനെ തുടര്‍ന്ന് നിലമ്പൂര്‍ ജില്ലാ ആശുപത്രിയില്‍ ചികിത്സ തേടുകയായിരുന്നു. ജൂണ്‍ 30ന് രാവിലെയാണ് കേസിനാസ്പദമായ സംഭവം.
ബസില്‍നിന്നു കുട്ടിയുടെ കാലില്‍ ചവിട്ടിയതുമായു@ണ്ടായ വാക്കേറ്റം അടിയില്‍ കലാശിക്കുകയായിരുന്നു. ജുവനൈല്‍ ജസ്റ്റിസ് ആക്ട് പ്രകാരം കേസ് രജിസ്റ്റര്‍ ചെയ്താണ് പൊലിസ് പ്രതിയെ അറസ്റ്റ് ചെയ്തത്. ഇയാളെ റിമാന്‍ഡ് ചെയ്തു.
പൂക്കോട്ടുംപാടം എസ്.ഐ പി. വിഷ്ണുവിന്റെ നേതൃത്വത്തില്‍ സി.പി.ഒമാരായ ടി. നിബിന്‍ദാസ്, ജാഫര്‍, എസ്. അഭിലാഷ്,സീനത്ത് എന്നിവരടങ്ങിയ അന്വേഷണ സംഘമാണ് പ്രതിയെ അറസറ്റ് ചെയ്ത് തുടരന്വേഷണം നടത്തുന്നത്.