പാറ്റ്‌ന: ലോക്ക്ഡൗണിനെ തുടര്‍ന്നു പ്രതിസന്ധിയിലായ കുടിയേറ്റ തൊഴിലാളികള്‍ക്കു കേന്ദ്രം പ്രഖ്യാപിച്ച ആശ്വാസ പദ്ധതി ഉദ്ഘാടനം ചെയ്തു. 50,000 കോടി രൂപയുടെ തൊഴില്‍ പദ്ധതിയായ ഗരീബ് കല്യാണ്‍ റോസ്ഗാര്‍ അഭിയാനാണ് പ്രധാനമന്ത്രി ഇന്നലെ ഉദ്ഘാടനം ചെയ്തത്. ബിഹാറില്‍ നടന്ന പരിപാടി വിഡിയോ കോണ്‍ഫറന്‍സിങ്ങിലൂടെയാണ് ഉദ്ഘാടനം ചെയ്തത്. നിയമസഭാ തെരഞ്ഞെടുപ്പ് നടക്കാനിരിക്കുന്ന ബിഹാറില്‍ ഉദ്ഘാടനം നടത്തിയതില്‍ രാഷ്ട്രീയ ലക്ഷ്യങ്ങളുമുണ്ടെന്നും ആരോപണമുയര്‍ന്നിരുന്നു.