വാഷിങ്ടണ്‍: ഇറാന്റെ ആണവ പരീക്ഷണവും അതിനുള്ള കോപ്പുകൂട്ടലും ലോകത്തിനും മധ്യേഷ്യക്കും ഗുരുതരമായ ഭീഷണിയാണ് ഉയര്‍ത്തുന്നതെന്ന് അമേരിക്കന്‍ സ്റ്റേറ്റ് സെക്രട്ടറി റെക്‌സ് ടില്ലേഴ്‌സണ്‍ പറഞ്ഞു.
ഇറാന്റെ ആണവ ആഗ്രഹം ലോകസമാധാനത്തിനുതന്നെ ഭീഷണിയാണ്. അതിനെ നിലക്കുനിര്‍ത്തിയില്ലെങ്കില്‍ ഇറാന്‍ മറ്റൊരു ഉത്തര കൊറിയയാകുമെന്നും അദ്ദേഹം പറഞ്ഞു.
വാഷിങ്ടണില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു ടില്ലേഴ്‌സണ്. യമനില്‍ നിരന്തരമായി കൈകടത്തുന്നതിനു പുറമെ വിമതസംഘമായ ഹൂതികള്‍ക്ക് പൂര്‍ണസഹായവും ഇറാന്‍ നല്‍കുന്നുണ്ട്.
ഗള്‍ഫ് മേഖലയിലെ കപ്പല്‍ സഞ്ചാരത്തിനും ജലഗതാഗതത്തിനും ഇതു വന്‍ ഭീഷണിയുയര്‍ത്തുന്നുണ്ട്.