മലപ്പുറം: ബി.ജെ.പിക്ക് കെട്ടിവച്ച പണം നഷ്ടമാകുന്ന മണ്ഡലത്തില്‍ രാഹുല്‍ മത്സരിക്കുന്നതിന്റെ രാഷ്ട്രീയം മനസിലാകുന്നില്ലെന്ന് സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍. മലപ്പുറത്ത് മാധ്യമങ്ങളോട് സംസാരിക്കുകയായിരുന്നു അദ്ദേഹം.

പ്രതിപക്ഷത്തിന്റെ ഐക്യം നഷ്ടപ്പെടുത്തുന്ന രാഹുലിന് എങ്ങനെയാണ് മോദിക്ക് ബദല്‍ ഉയര്‍ത്താന്‍ കഴിയുകയെന്ന ചോദ്യമാണ് ഇന്ന് സമൂഹത്തില്‍ നിന്ന് ഉയര്‍ന്നുവരുന്നത്.
ഇടതുപക്ഷത്തിന് രാഹുലിന്റെ സ്ഥാനാര്‍ഥിത്വം വലിയ പ്രത്യേകതയായി തോന്നുന്നില്ല. രാഹുല്‍ 20 സ്ഥാനാര്‍ഥികളില്‍ ഒരാള്‍ മാത്രമാണെന്നും അദ്ദേഹം പറഞ്ഞു.