കൊല്ലം: പി.എസ്.സിയുടെ സിവില്‍ പൊലിസ് ഓഫിസര്‍ റാങ്ക് ലിസ്റ്റിന്റെ കാലാവധി ഈ മാസം 30നു തീരാനിരിക്കെ കാലാവധി നീട്ടണമെന്ന ആവശ്യവുമായി ഉദ്യോഗാര്‍ഥികള്‍ രംഗത്ത്.

2018 ഫെബ്രുവരിയില്‍ പരീക്ഷയെഴുതിയവരില്‍ 3500 പേര്‍ക്കാണ് ഇതുവരെ നിയമനം ലഭിച്ചത്. 11000 പേരാണ് റാങ്ക് ലിസ്റ്റില്‍ ഉള്‍പ്പെട്ടിരിക്കുന്നത്. ഇതില്‍ ഇനി പരീക്ഷയെഴുതാനാകാതെ പ്രായപരിധി കഴിയുന്നവരുമുണ്ട്. യൂനിവേഴ്‌സിറ്റി കോപ്പിയടി വിവാദത്തിന്റെ ഫലമായി അഞ്ചുമാസവും കൊറോണയുടെ പശ്ചാത്തലത്തില്‍ മൂന്നുമാസവും ഉദ്യോഗാര്‍ഥികള്‍ക്ക് ഇതിനിടെ നഷ്ടമായി. ഈ സാഹചര്യത്തില്‍ റാങ്ക് ലിസ്റ്റിന്റെ കാലാവധി ഡിസംബര്‍ വരെയെങ്കിലും നീട്ടണമെന്നാണ് ഉദ്യോഗാര്‍ഥികളുടെ ആവശ്യം.