മണ്ണാര്‍ക്കാട്: കൊല്ലപരീക്ഷകളവസാനിച്ച് വിദ്യാലയങ്ങള്‍ അടച്ചതോടെ ഇനി അറുപതു നാളത്തെ ആവധിക്കാലം. പത്തു മാസത്തെ അധ്യയന നാളുകള്‍ക്ക് വിരാമമിട്ട് ഇനി ആഘോഷങ്ങളുടെ അറുപതു ദിനരാത്രങ്ങള്‍. എസ്.എസ്. എല്‍.സി പരീക്ഷ നേരത്തെ അവസാനിച്ചെങ്കിലും ഒന്നുമുതല്‍ 9 വരെയുള്ള ക്ലാസുകളിലെ പരീക്ഷകള്‍ ശനിയാഴ്ചയോടെയാണ് അവസാനിച്ചത്. വിദ്യാലയങ്ങളെല്ലാം അടച്ചതോടെ വിദ്യാര്‍ഥികള്‍ അവധിക്കാലം ആഘോഷിക്കാനുള്ള തയ്യാറെടുപ്പിലാണ്.
അവധിക്കാലത്തിലെ ആഘോഷങ്ങള്‍ക്ക് മുന്‍വര്‍ഷങ്ങലെപ്പോലെ പ്രസക്തിയില്ലെങ്കിലും വര്‍ത്തമാന കാലത്ത് അവധിക്കാല മാഘോഷിക്കുന്നവരും കുറവല്ല.
പണ്ടുകാലങ്ങളില്‍ അവധിക്കാലങ്ങളില്‍ കണ്ടിരുന്ന പെട്ടിക്കടകളോ ഗ്രൗണ്ടുകളിലെ നാടന്‍കളികളും തോടുകളിലെ മീന്‍ പിടുത്തവുമെല്ലാം നൂതന സാങ്കേതിക വിദ്യകള്‍ക്കൊപ്പം പായാന്‍ തുടങ്ങിയതോടെ ജീവിതത്തിലെ ആഘോഷങ്ങള്‍ക്കും അവധിക്കാലങ്ങള്‍ക്കും പ്രസക്തിയില്ലാതായിക്കിയെന്നും മൊബൈല്‍ ഫോണും ഇന്റര്‍നെറ്റും അധീകരിച്ചതോടെ കുട്ടികള്‍ മുതല്‍ മുതിര്‍ന്നവര്‍ വരെ സദാസമയം നെറ്റിന്റെ ലോകത്താണിന്ന്. അതിനാല്‍ തന്നെ വീടുവിട്ടിറങ്ങി ആനന്ദ കണ്ടെത്തുന്ന കളികള്‍ക്ക് വര്‍ത്തമാനകാലത്ത് പ്രസക്തിയില്ലാതായിരിക്കുകയാണ്. എങ്കിലും നഗരങ്ങള്‍ വിട്ട് നാട്ടിന്‍പുറങ്ങളില്‍ ചെന്നാല്‍ ഇപ്പോഴും മിക്കയിടത്തും കുട്ടികള്‍ നടത്തുന്ന പെട്ടിക്കടകളും നാടന്‍ കളികളുമൊക്കെ അവധിക്കാലത്തെ കാഴച്കള്‍ക്ക മോടി കൂട്ടുന്നു. അവധിക്കാലങ്ങളില്‍ ടൂര്‍ പോകുന്ന വരുടെ ബന്ധുവീടുകളില്‍ പോകുന്നവരും ഇന്ന് വളരെ വിരളമാണ്. സോഷ്യല്‍ മീഡിയകളില്‍ സദാസമയം ഉല്ലാംസ കണ്ടെത്തുന്ന യുവതലമുറകള്‍ക്ക ഭൂതകാലത്തെ പറ്റി ചിന്തിക്കാന്‍ സമയമില്ല.
അവധിക്കാലത്ത് മണ്ണ് ചുട്ടും ഇളനീര്‍ പന്തലുകളും മിഠായികടകളുമൊക്കെ നടത്തി ആഘോഷിച്ചവര്‍ ഇന്നില്ല. അറുപതുനാളത്തെ അവധിക്കാലം ആര്‍ക്കോ വേണ്ടി ചെലവഴിക്കുന്ന ന്യൂജെന്‍ സമൂഹമാണ്.
ലഹരിയെയും മറ്റും പിടിയിലമരുന്ന വര്‍ത്തമാനകാലത്തെ തലമുറകള്‍ക്കിടയില്‍ ഭൂതകാലങ്ങളില്‍ കണ്ടുവന്നിരുന്ന അവധിക്കാല കാഴ്ചകള്‍ ഓര്‍മകള്‍ മാത്രമാണ്. ഫലമോ അറുപതുനാളത്തെ അവധിക്കാലം എങ്ങിനെയെങ്കിലും തള്ളിനീക്കുന്ന ഒരു സമൂഹം നമുക്കു മുന്നില്‍ കാഴ്ചകളാവുമ്പോള്‍ നമ്മള്‍ കണ്ടുമറന്ന ആ പഴയ അവധിക്കാലങ്ങള്‍ ഓര്‍മകള്‍ മാത്രമാവുകയാണ്.