പൂച്ചാക്കല്‍: ക്ഷേത്രക്കുളത്തില്‍ കുളിച്ചതിനെ ചൊല്ലി പട്ടിക ജാതി യുവാവിനെ മര്‍ദിച്ചതായി പരാതി. അരൂക്കുറ്റി പഞ്ചായത്ത് നാലാം വാര്‍ഡ് കാട്ടില്‍മഠം ലക്ഷം വീട്ടില്‍ പ്രവീണ്‍(28)നെയാണ് മര്‍ദിച്ചത്. കഴിഞ്ഞ ദിവസം പാണാവള്ളി ഇടപ്പംകുഴി ക്ഷേത്ര ഉത്സവം കഴിഞ്ഞ് ആനയെ തളച്ചതിന് ശേഷം പാപ്പാന്‍ പ്രവീണ്‍ ക്ഷേത്രക്കുളത്തില്‍ കുളിക്കുകയായിരുന്നു.
ഇതിനെ ചോദ്യം ചെയ്താണ്  മൂന്ന് പേര്‍ ചേര്‍ന്ന് യുവാവിനെ  മര്‍ദിച്ചത്. ഇതേ തുടര്‍ന്ന് ചേര്‍ത്തല ഗവ. ആശുപത്രിയില്‍ ചികിത്സയിലാണ് പ്രവീണ്‍. ജാതിപ്പേര് വിളിച്ച് മര്‍ദിച്ചുവെന്ന് കാട്ടി കെ.പി.എം.എസ് ചേര്‍ത്തല ഡി.വൈ.എസ്.പി.ക്ക് പരാതി നല്‍കി.