ഹിദായനഗര്‍: ദാറുല്‍ഹുദായില്‍ വര്‍ഷം തോറും നടത്താറുള്ള മിഅ്‌റാജ് ദിന പ്രാര്‍ഥനാ സമ്മേളനം നളെ ഹിദായനഗര്‍ കാംപസില്‍ നടക്കും.
വൈകിട്ട് ഏഴിന് പ്രാര്‍ഥനാ സമ്മേളനം സമസ്ത കേരള ജംഇയ്യത്തുല്‍ ഉലമാ പ്രസിഡന്റ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. ദാറുല്‍ ഹുദാ വി.സി ഡോ. ബഹാഉദ്ദീന്‍ മുഹമ്മദ് നദ്‌വി അധ്യക്ഷനാകും. അത്തിപ്പറ്റ മുഹ്‌യുദ്ദീന്‍ മുസ്‌ലിയാര്‍ അനുഗ്രഹഭാഷണം നിര്‍വഹിക്കും.
സ്വാലിഹ് ഹുദവി തൂത മിഅ്‌റാജ് സന്ദേശ പ്രഭാഷണം നടത്തും. പ്രാര്‍ഥനാ മജ്‌ലിസിന് കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി നേതൃത്വം നല്‍കും.
വി.പി അബ്ദുല്ലക്കോയ തങ്ങള്‍, സി.എച്ച് ബാപ്പുട്ടി മുസ്‌ലിയാര്‍, എ മരക്കാര്‍ മുസ്‌ലിയാര്‍, സയ്യിദ് ഫഖ്‌റുദ്ദീന്‍ തങ്ങള്‍ കണ്ണന്തളി, കളാവ് സൈതലവി മുസ്‌ലിയാര്‍, സൈതാലി കുട്ടി ഫൈസി കോറോട്, സി.എച്ച് ബാപ്പുട്ടി മുസ്‌ലിയാര്‍ തുടങ്ങിയവര്‍ പങ്കെടുക്കും. അസര്‍ നിസ്‌കാരാനന്തരം ഖത്മ് ദുആ മജ്‌ലിസ് നടത്തും. സയ്യിദ് ഫള്ല്‍ തങ്ങള്‍ മേല്‍മുറി നേതൃത്വം നല്‍കും.