കാളികാവ്: കാളികാവിലും പരിസര പ്രദേശങ്ങളിലുമുള്ള പാതയോരങ്ങളിലെ അനധികൃത ഇരിപ്പിടങ്ങള്‍ പൊലിസ് പൊളിച്ചുമാറ്റി. റോഡ് സുരക്ഷ പദ്ധതിയുടെ ഭാഗമായാണ് പൊളിച്ചുമാറ്റല്‍.
 കാളികാവ് മുതല്‍ വണ്ടൂര്‍ വരെയുള്ള പ്രധാന പാതയോരത്തുള്ള തടസങ്ങള്‍ നേരത്തെ നീക്കിയിരുന്നു. വെള്ളിയാഴ്ച തണ്ടുകോട്, ചാഴിയോട്, അസൈനാര്‍ പടി, മമ്പാട്ടുമൂല, പാറച്ചോല തുടങ്ങിയ സ്ഥലങ്ങളിലെ പത്തിലധികം കാത്തിരിപ്പു കേന്ദ്രങ്ങളാണ് എസ്.ഐമാരായ കെ.പി സുരേഷ് ബാബു, ഇ.വി. സുരേഷ് കുമാര്‍, പി. സുരേഷ് കുമാര്‍  തുടങ്ങിയവരുടെ നേതൃത്വത്തിലുള്ള പൊലിസ് സംഘം കാത്തിരിപ്പു കേന്ദ്രങ്ങള്‍ പൊളിച്ചുമാറ്റിയത്.