കോഴിക്കോട്: ലോകത്തിന്റെ വിവിധ ഭാഗങ്ങളിലുള്ള കെ.എം.സി.സികളെ ഉള്‍പ്പെടുത്തി ഗ്ലോബല്‍ കമ്മിറ്റി രൂപീകരിക്കുന്നതിന്റെ മുന്നോടിയായി വിവിധ രാജ്യങ്ങളില്‍ പ്രവര്‍ത്തിക്കുന്ന കെ.എം.സി.സി നേതാക്കളുടെ യോഗം കോഴിക്കോട് ലീഗ്ഹൗസില്‍ ചേര്‍ന്നു. മുസ്‌ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ് ഉദ്ഘാടനം ചെയ്തു. സഊദി കെ.എം.സി.സി നാഷണല്‍ കമ്മിറ്റി പ്രസിഡന്റ് കെ.പി മുഹമ്മദ്കുട്ടി അധ്യക്ഷത വഹിച്ചു. യു.എ.ഇ കെ.എം.സി.സി ജനറല്‍ സെക്രട്ടറി ഇബ്രാഹിം എളേറ്റില്‍, സഊദി കെ.എം.സി.സി ജനറല്‍ സെക്രട്ടറി അശ്‌റഫ് വേങ്ങാട്ട്, മസ്‌കത്ത് കെ.എം.സി.സി പ്രസിഡന്റ് സി.കെ.വി യൂസുഫ്, ബഹ്‌റൈന്‍ കെ.എം.സി.സി വൈസ് പ്രസിഡന്റ് ഹബീബ് റഹ്മാന്‍ അരീകുഴിയില്‍, മസ്‌കത്ത് കെ.എം.സി.സി ഉപദേശക സമിതി ചെയര്‍മാന്‍ കെ.പി അബ്ദുല്‍ കരീം പങ്കെടുത്തു.
ഗ്ലോബല്‍ കമ്മിറ്റിയുണ്ടാക്കാനുള്ള പ്രവര്‍ത്തനങ്ങള്‍ക്ക് നേതൃത്വം നല്‍കാന്‍ ഓര്‍ഗനൈസിങ് കമ്മിറ്റി രൂപീകരിച്ചു. കെ.പി.മുഹമ്മദ്കുട്ടി ചെയര്‍മാനും സി.കെ.വി യൂസുഫ് ജനറല്‍ കണ്‍വീനറുമായ സമിതിയില്‍ പുത്തൂര്‍ റഹ്മാന്‍, ഇബ്രാഹിം എളേറ്റില്‍, അബ്ദുല്ല ഫാറൂഖി (യു.എ.ഇ),അശ്‌റഫ് വേങ്ങാട്ട്, സി.ഹാഷിം,എ.പി ഇബ്രാഹിം മുഹമ്മദ് (സഊദി), എസ്.എ.എം ബഷീര്‍, അബ്ദുന്നാസര്‍ നാച്ചി, അലി പള്ളിയത്ത് (ഖത്തര്‍), പി.എ.ബി അബൂബക്കര്‍, കെ.പി അബ്ദുല്‍ കരീം, അസീസ് ഹാജി മണിമല,ഹുസൈന്‍ കാച്ചിരോട് (ഒമാന്‍), ശറഫുദ്ദീന്‍ കണ്ണേത്ത്, അബ്ദുറഹിമാന്‍ കൊണ്ടോട്ടി, ഗഫൂര്‍ വയനാട് (കുവൈത്ത്), എസ്.വി ജലീല്‍, അസൈനാര്‍ കളത്തിങ്ങല്‍, ഹബീബ് റഹ്മാന്‍ അരീകുഴിയില്‍(ബഹ്‌റൈന്‍), യു.എസ്.എ, ബ്രിട്ടന്‍, ആസ്‌ട്രേലിയ, ബ്രൂണെ, ജപ്പാന്‍, തായ്‌ലാന്‍ഡ്, മലേഷ്യ എന്നീ രാജ്യങ്ങളിലെ പ്രസിഡന്റ്, സെക്രട്ടറിമാര്‍ ഉള്‍പ്പെടുന്നതാണ് സമിതി.