തലശ്ശേരി: അപകടാവസ്ഥയില്‍ താഴെ പതിക്കാനിരുന്ന സൈന്‍ ബോര്‍ഡ് ഫയര്‍ഫോഴ്‌സെത്തി നീക്കിയത് വന്‍ ദുരന്തം ഒഴിവാക്കി. തലശ്ശേരി പഴയ ബസ്സ്റ്റാന്റ് പരിസരത്തെ പൂട്ടിക്കിടന്ന പെട്രോള്‍ പമ്പിന്റെ 500 കിലോയോളം ഭാരം വരുന്ന ബോര്‍ഡാണ് കാറ്റിലും മഴയിലും ഒടിഞ്ഞുതൂങ്ങിയത.് സംഭവം ശ്രദ്ധയില്‍പ്പെട്ട സാമൂഹ്യ പ്രവര്‍ത്തകനായ സി.പി ആലുപ്പികേയി വിവരം ഫയര്‍ഫോഴ്‌സില്‍ അറിയിക്കുകയായിരുന്നു. തുടര്‍ന്ന് സ്ഥലത്തെത്തിയ ഫയര്‍ഫോഴ്‌സ് സംഘം കൂറ്റന്‍ ബോര്‍ഡ് സ്റ്റേഷന്‍ ഓഫിസര്‍ ശനിത്തിന്റെ നേതൃത്വത്തില്‍ സുരക്ഷിതമായി താഴെയിറക്കുകയായിരുന്നു. നിരവധിയാളുകള്‍ ഇവിടെ ബസ് കാത്തു നില്‍ക്കുന്ന പ്രദേശമാണ്. അധികൃതരുടെ അവസരോചിതമായ ഇടപെടലാണ് വന്‍ദുരന്തം ഒഴിവാക്കിയത.്