ന്യൂഡല്‍ഹി: രാജ്യസഭാ തെരഞ്ഞെടുപ്പില്‍ സി.പി.എം ജനറല്‍ സെക്രട്ടറി സീതാറാം യെച്ചൂരിയെ കോണ്‍ഗ്രസ് പിന്തുണച്ചേക്കും

ഓഗസ്റ്റില്‍ രാജ്യസഭാ എം.പിയായി യെച്ചൂരിയുടെ കാലാവധി അവസാനിക്കുകയായാണ്. പിന്തുണ തേടി യെച്ചൂരി കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയെ കണ്ടിരുന്നു.

പശ്ചിമബംഗാളിലെ ആറ് രാജ്യസഭ സീറ്റുകളിൽ ഓഗസ്റ്റിലാണ് തെരഞ്ഞെടുപ്പ് നടക്കുക.സിപിഎം നേതൃത്വം നല്‍കുന്ന ഇടതുപക്ഷത്തിന് ബംഗാളില്‍ 32 എംഎല്‍എമാര്‍ മാത്രമാണ് ഉള്ളത്. കോണ്‍ഗ്രസ്സിന് 44ഉം തൃണമൂലിന് 211 ഉം എംഎല്‍എമാരുണ്ട്.

അതേസമയം വാര്‍ത്ത നിഷേധിച്ച് സി.പി.എം കേന്ദ്രനേതൃത്വം രംഗത്തുവന്നിട്ടുണ്ട്. പാര്‍ട്ടി ജനറല്‍ സെക്രട്ടറി തെരഞ്ഞെടുപ്പില്‍ മത്സരിക്കുന്ന കീഴ് വഴക്കമില്ല.
മാത്രമല്ല സി.പി.എം സംഘടന രീതിയനുസരിച്ച് രണ്ട് തവണയില്‍ കൂടുതല്‍ ഒരാളെ എം.പിയായി സി.പി.എം മത്സരിപ്പിക്കാറില്ല.