പള്ളിക്കല്‍: ജില്ലയില്‍ ഏറ്റവും കൂടുതല്‍ കുട്ടികള്‍ ഒന്നാം ക്ലാസിലേക്ക് പ്രവേശനം നേടിയ സ്‌കൂളായി പള്ളിക്കല്‍ എ.എം.യു.പി സ്‌കൂളിനെ തെരഞ്ഞെടുത്തു. കെ.എസ്.ടി.എ നടത്തിയ വിജയോത്സവത്തിന്റെ ഭാഗമായി സംഘടിപ്പിച്ച ചടങ്ങില്‍ മന്ത്രി കെ.ടി ജലീല്‍ ഉപഹാര സമര്‍പ്പണം നടത്തി. സീനിയര്‍ അധ്യാപകന്‍ സി.കെ മുഹമ്മദലി മാസ്റ്റര്‍, പി.ടി.എ പ്രസിഡന്റ് മുജീബ് കണിയാടത്ത്, സ്‌കൂള്‍ എസ്.ആര്‍.ജി കണ്‍വീനര്‍ വേണു മാസ്റ്റര്‍ എന്നിവര്‍ ചേര്‍ന്ന് പുരസ്‌കാരം ഏറ്റുവാങ്ങി.